अमर नेता

मैले किताब नपोलेको भए
मैले वन्दुक नवोकेको भए
नेताज्यू, तिमी आज मन्त्री हुने थिएनौ
मन्त्री पाइन भन्दै हरक्षण रुने थिएनौ

आकाशबाट बारुद झरेको बेला
धर्तिमा आगो बलेको बेला
मैले तिमीलाइ नअंगालेको भए
चल्ला छोपेझैं नछोपेको भए
नेताज्यू, आज तिमी बेइमान हुने थिएनौ
बेइमानी बानी तिमी छुने थिएनौ

उच्चोअग्लो यात्रा तिम्रो सत्रु बनिदिंदा
तुषारापातले तिमीमाथी ठाडै जाइलाग्दा
म तिम्रो पाटेघोडा नवन्देको भए
नांगै बसि मेरो कमिज नओडाको भए
नेताज्यू,आज तिमी गद्धार हुने थिएनौ
गद्धारीको पथमा पाइला राख्ने थिएनौ
वरु तिमी
अमर अजर शहिद वनेर
सयद  मनमा वसिराख्ने थ्यौ .